Subvencións
Programa FO208/2027 – Programa de subvencións a concellos para financiar a supresión da simboloxía franquista nos espazos públicos, a realización de actividades e sinalización de espazos de recuperación de la memoria democrática, para o ano 2027.
A Deputación da Coruña convoca o Programa FO208/2027, dirixido aos concellos da provincia con menos de 10.000 habitantes, para apoiar actuacións relacionadas coa supresión da simboloxía franquista, a recuperación da memoria democrática e a sinalización de espazos de homenaxe.
Publicación oficial
Bases reguladoras: BOP nº 197, do 15 de outubro de 2026.
Extracto da convocatoria: BOP nº 200, do 20 de outubro de 2026.
Concesión provisional: pendente
Obxecto da subvención
As axudas destínanse a financiar:
- Retirada de escudos, placas, insignias, estatuas ou mencións de exaltación franquista, e restauración do ben municipal afectado.
- Actividades de divulgación da memoria democrática: charlas, cursos, congresos, publicacións, exposicións, etc.
- Sinalización e mantemento de espazos de memoria, incluíndo placas e paneis informativos (co logotipo da Deputación e a frase obrigatoria "Vítimas do golpe de estado fascista de 1936").
- Actos de homenaxe e recoñecemento público ás vítimas da represión entre 1936 e 1978.
Ámbito temporal
As actividades obxecto deste programa deben realizarse no periodo comprendido entre o 1 de xaneiro de 2027 e o 31 de decembro de 2027.
Contía das axudas
- Importe subvención a conceder: mínimo 3.000 €, máximo 10.000 €.
- Importe do orzamento de gastos: mínimo 3.750 €, máximo 12.500 €.
- Porcentaxe subvencionable: entre o 20% e o 80% do gasto total.
- Só se admiten gastos correntes (non investimentos).
Conceptos de gasto
- 600 Compras de bens destinados á actividade (material non inventariable)
- 607 Traballos realizados por outras empresas para o desenvolvemento da actividade
- 621 Arrendamentos
- 622 Reparación e conservación de equipamento ou material
- 623 Servizos de profesionais independentes
- 627 Publicidade e propaganda
- 640 Soldos e salarios vinculados á actividade subvencionada
- 642 Seguridade Social a cargo da entidade vinculada á actividade subvencionada
Prazo de solicitude
Comeza ás 8:00 do día 20 de outubro e finaliza ás 14:00 do 20 de novembro.
A tramitación realizarase exclusivamente a través da plataforma SUBTEL, accesible desde a sede electrónica da Deputación: https://sede.dacoruna.gal
Beneficiarias
Concellos da provincia da Coruña con menos de 10.000 habitantes que cumpran os requisitos das bases e da Ordenanza Xeral de Subvencións.
Documentación destacada
- Memoria descritiva do proxecto.
- Anexo fotográfico dos elementos a retirar ou do espazo a sinalizar.
- Certificacións de estar ao corrente coas obrigas tributarias e coa Seguridade Social (ou autorización de consulta).
- Acordo municipal de solicitude.
- Acreditación da delegación da Alcaldía/Presidencia
- Declaracións: cumprimento de requisitos, compromiso coa lingua galega e non sexista, difusión, comprobación delitos contra a liberdade sexual no caso de actividades que implique o contacto con menores.
Obrigas principais
- Uso da lingua galega en toda a comunicación e materiais.
- Difusión do apoio da Deputación en todos os soportes.
- Invitación á Deputación aos actos de inauguración ou homenaxe.
Criterios de valoración
1. Coeficiente de financiamento solicitado (ata 10 puntos)
- 20% - 29,99%: 10 puntos
- 30% - 39,99%: 8 puntos
- 40% - 49,99%: 6 puntos
- 50% - 59,99%: 4 puntos
- 60% - 80%: 0 puntos
2. Tipo de actuación
- Acto de homenaxe: 5 puntos
- Investigación, estudo ou documentación histórica: 5 puntos
- Sinalización de espazos ou roteiros da memoria: 15 puntos
3. Eliminación de simboloxía antidemocrática (ata 15 puntos)
- 1 símbolo retirado: 5 puntos
- 2 símbolos retirados: 10 puntos
- 3 ou máis símbolos retirados: 15 puntos
4. Actividades de divulgación (ata 15 puntos)
- 1 actividade: 5 puntos
- 2 actividades: 10 puntos
- 3 ou máis actividades: 15 puntos
Computan individualmente conferencias, charlas, cursos, congresos, publicacións, exposicións, etc., aínda que se realicen na mesma xornada.
5. Poboación do concello (ata 5 puntos)
- Menos de 2.000 habitantes: 1 punto
- Entre 2.000 e 5.000 habitantes: 3 puntos
- Entre 5.001 e 10.000 habitantes: 5 puntos
Preguntas frecuentes
É necesaria autorización cando a actuación se realiza nun espazo que non é de titularidade municipal?
Si. Cando as actuacións de eliminación de simboloxía franquista se desenvolvan en espazos que non sexan de titularidade municipal, deberá achegarse a autorización expresa da persoa ou entidade titular do inmoble ou espazo afectado.
Son subvencionables todos os gastos asociados ao proxecto?
Non necesariamente. É preciso revisar previamente a natureza dos gastos incluídos no proxecto, xa que os investimentos, con carácter xeral, non son subvencionables. Unicamente poderán admitirse aqueles casos nos que, de acordo coa normativa contable aplicable, o gasto non teña a consideración de investimento.