PEL ACTIVA impulsado pola Deputación da Coruña e cofinanciado polo Fondo Social Europeo Plus (FSE+) é un programa de formación para o emprego que ten como finalidade contribuír á inclusión social de persoas desfavorecidas na provincia da Coruña, facendo especial fincapé nas zonas de reto demográfico.

As actuacións de PEL ACTIVA buscan contribuír a fixar poboación nos concellos rurais, ofrecendo formación que permita o acceso a postos de traballo de calidade na súa contorna.

PEL ACTIVA foi seleccionado na primeira convocatoria do Programa de Empleo, Educación, Formación y Economía Social, do Fondo Social Europeo Plus (FSE+), do período de programación 2021-2027. Máis información.

PEL ACTIVA ten programadas 19 edicións de 6 itinerarios de inserción identificados, complementados con sete xornadas de activación e información en materia de emprego, así como outras catro accións complementarias específicas.